🗣 ትርጉም ያለው ህይወት ለመኖር የሚረዱን 4ቱ ነጥቦች

Introduction

በአሁኑ ሰአት የአለም ህዝብ ቁጥር 8 ቢሊዮንን አልፏል። እስቲ አስቡት ምን ያህሉ ሰው ይሁን ትርጉም ያለው ህይወት የሚኖረው?

ምናልባት 5፣ 3፣ 2፣ 1 ቢሊዮኑ ይሁን? ወይስ ሚሊየኑ?
የሰው ልጅ እንዲሁ ዋጋ አልባ ሆኖ ሆኖ አልተፈጠረም ሁሉም የራሱ የሆነ ዋጋ አለው። ነገር ግን አብዛኛው ዋጋውን ስለማያውቅ ትርጉም አልባ ህይወት ይኖራል።

ዋጋህን እስኪታውቅ ድረስ እጅግ አሳዛኝ ህይወት መኖርህ የማይቀር ሀቅ ነው። ዋጋህን ስታውቅ ግን ተራ ህይወት አይኖርህም። ምክንያቱም የምትኖረው ትርጉም ያለው ህይወት ነውና።

🔅 ትርጉም ያለው ህይወት ለመኖር የሚረዱን 4ቱ ነጥቦች

1) ራስን ማወቅ

አንድ ዋጋውን የማያውቅን ሰው "አንተ ማን ነህ?" ብለህ ብትጠይቅ ምናልባት ስሙን ልነግርህ ይችላል። ስም ማንነት አይደለም አከለ ስለተባልክ ያንቴ ማንነት አከለ ነው ማለት አይደለም። ስም መለያ እንጂ ማንነት አይደለም።

🔅 ታድያ ማንነት ምንድነው?

ማንነት ማለት አንተን አንተ ያደረገህ ያንተ መገለጫ ያ ነው ማንነትህ። አንተን አንተ ያደረገህ ሰው ሆነህ መፈጠርህ ነው።

🔅 ታድያ ሰው ማን ነው?

ሰው በታላቁ ፈጣሪ መልክና አምሳል ታላቅ ተልዕኮ ተሰጥቶት የተፈጠረ ድንቅ ፍጡር ነው። እንድትፈጥር ተፈጥረሃል። እንደ ለማኝ አትኑር ለዛ አልተፈጠርክም። ሰው ነህ ድንቅ አቅም፣ ችሎታ ያለህ ድንቅ ፍጡር።

ፈጣሪ ከእንስሳ ለይቶ የሚደንቅ አቅምና ችሎታ የሰጠህ ተጠቅመህ እንድታስከብረው ነው። ይሄ ነው ማንነትህ።

2) ተሰጥኦን መለየት

ምንም ያልተሰጠው የለም። ሁሉም ለአለም እንዲያበረክት የተሰጠው የሆኔ ተሰጥኦ አለ። ታድያ አንተ ተሰጥኦህን አላወቅክም ማለት ተሰጥኦ የለህም ማለት አይደለም። ተሰጥኦ አለህ ያውም ድንቅ ተሰጥኦ ችግሩ እንዴት ትለየዋለህ ነው?

🔅 ተሰጥኦን ለመለየት

ተሰጥኦን ለመለየት ቀላሉ መንገድ ችሎታን ማወቅ ነው። በቀላሉ የሚታሳድገው፣ በቀላሉ የምትማረውና የሚታዳብረው ችሎታህ ምንድነው?

ከሌላው ተሽለህ የተካንክበት በቀላሉ የምትማረውና የምታደርገውን ችሎታ ከለየህ ተሰጥኦህን አውቀሃል። ተሰጥኦህ ችሎታህ ነው።

3) ተሰጥኦን ማሳደግ

ተሰጥኦን መለየት በጣም ወሳኝ እርምጃ ነው። ታድያ ስለለየህ ሁሉም አበቃ ማለት አይደለም። ተሰጥኦህን ልታዳብርና ልታሳድግ ይገባል።

አለም ላይ ተሰጥኦ ልክ እንደ ገበታ ጨው እርካሽ ነው። ነገር ግን ተሰጥኦውን አሳድጎና አዳብሮ master የሚያደርገው ግን ጥቅቱ ነው። ለዚህም ነው ብዙ ባለ ተሰጥኦ ነገር ግን ጥቅት ስኬታማ ያለው።

🔅 ተሰጥኦን እንዴት ማሳደግ ይቻላል?

ተሰጥኦን ለማሳደግ ማድረግ ከሚገቡን ነገሮች ቀዳሚው ተሰጥኦን መጠቀም ነው። ተሰጥኦ ልክ እንደ ጡንቻ ነው ይበልጥ በተጠቀምነው ቁጥር እየጎለበተና እየዳበረ ይመጣል።

4) በተሰጥኦ ሌላውን መጥቀም ወይም ማገልገል

በጣም ብዙ ብር ኖሮህ ካልተጠቀምክበት ብሩ መኖሩ ፋይዳው ምንድነው? አየህ ተሰጥኦም ልክ እንዲሁ ነው ካልተጠቀምክበት አይጠቅምህም።
እንደውም ተሰጥኦን መጠቀም ብቻ ሳይሆን በተሰጥኦ ሌላውን መጥቀም ሌላውን ማገልገል አለብህ። ምክንያቱም የተፈጠርከው ለዛ ነዋ። ፈጣሪ ከሌላው ለይቶ የሆነ ተሰጥኦ ስሰጥህ አላማው ሌላውን እንድትጠቀም ነው።

🗣 call to action

ወዳጄ! ህይወትህ ትርጉም ያለው መሆኑን ዛሬ አሁኑኑ አረጋግጥ! ተሰጥኦህ ምንድነው? በተሰጥኦህ ሌላውን እየጠቀምክ እያገለገልክ ነው? ካልሆኔ ዛሬውኑ ጀምር!!